Hassan_elSheikh@
الأمـل ..
هو الابـن الشرعي لأقصى حالات الـفرْح
و أقـصـى حـالات الجـرْح
والمـلل..
هو ابن الحرام الـنـاتج عن اعتـياد الدبـح
و الرضا و الصـفـح
والفوضـى..
هي أكتـر هـندسة – في الكون دا كلة – مُـحكـمة
أكتر حتى م الدواير و الخطوط و الوشوش و العدلي و مبارك في قفص المَـحكـمة
والسياسة هي ايه غير دقنـهُ و افتـلهُ
الشعب هو العاق ..جاي يـقول يـا شـرْح
عاوزين يغيـروا النـظام
نغير النظـام
بـ3 قـروش دقيقة الأرضي
ونكلم كل النـاس ببـلاش
عاوزين يهـرتـوا في كلام
يهرتـوا في كلام
وبقية اليوم ياخدوه مَـرَضـي
والحلم آهو مـات في الإنـعـاش
عاوزيـن يغيروا الـبتـارين
نغـير البتـارين
ونـلمـع اُكـَر..
ونسـلك بوابـير الجـاز
ونـصدر حقنا في الغـاز
ونـطفف في المـوازيـن
عـاوزين أو مش عـاوزيـن
وصنـيـة شـاي التـحريـر...
نعمـلهـا مَـزار..
أو نشـتري هرمين رخـام من شَـق التِعـبان
أو م المتحف .. أقـرب و أرخـص
ونعمـلها بـَزار...
أو مَحمية طبيعية للـثـوار
و آهـو كـلهُ حق دِسـتوري..
وكلهُ تابع للقـوانـين
كارهـين الـبدلة السـودا..؟!
بلاهـا البـدلة السـودا
عاوزين قبل النـوم حـدوتـة؟
إديهم قبـل النـوم حـدوتـة
إنـما مش عاوزين البـدلة الكـَاكـي؟!!
لا وحياة أُم الـحلم الأسـمر
المتـوضي بنـهر الـدم
نقلبها أُوبريـت الـبجـعة..
والبجـعة تـصـوصـو و تـكـاكـي
إمـضـاء النِـجمة الذهبية
ع الكـتف الأخـضر للـمـيري
فهمـت؟!...
و لا إنـشالله م تفهم يا صغيري
في سـاعتها كان لازم تقرا
مكتوبـلك على ضهـر الثـورة
(صُـنع في مِصر)
وبخط منـمنم و مهندم...
مكتوب الثورة المتباعة لا بترجع تاني للـباعة
ولا المُشـتري لهُ حـق الـرَد
متشمعة بالشمعة الحمـرا...
و خاتمنهـالك كمان بـالـنِـسـر
(صُـنع في مِـصـر)
Hassan el-Sheikh