يا مواطن

حاجات كتيرة اوي انت ملكش سيطرة عليها ..
بس هي مضيـقاك او مضيقة عليك ..

وانت مزحوووم بعدد لا نهائي من الافكار و في خناقات ديووك في دماغك وانت مش عارف تسكتها و الغريب ان ده لما بينعكس على وشك .. بتبان " متنح " ..

كأن من كتر الحاجات العالقة حواليك او في دماغك ..
تحولت تلقائيا إلى لا مبالي
و لما حد يقولك : الحق في حاجة غلط ..
بتبقى عايز تقوله .. متضايقش اوي كدا ..
انا عندي من ده كتير

حاجات زي ..
هو انا المفروض اسابق فعلا عشان الدنيا سبق و انا متأخر ..
( شعور سخيف بس بيخليك تصحى الصبح و انت عايز تعمل حاجة مفيدة انهاردة )

ولا انا المفروض اهدا اكتر و ابقى مُتأمل عشان الدنيا بتتعاش مرة واحدة وفيها عدد كبير من التفاصيل اللي خسارة منشفهاش ..
( شعوور جميل بيخلي يوم ينتهي وانت مبسوط بس ممكن اوي ينتهي وانت مأنجزتش )

حاجات زي .. المجتمع ده ميزانة مش مظبوط ..
تصلح الميزان .. ولا توزن برا ؟

آه انا عايز اتجوز و اخلف ..
بس لو ( آدم ) قالي : هي دي احسن ارض عرفت تجبني فيها .. مش عارف هازعل منه ولا مني ساعتها ؟

حاجات زي العسكر و الدين و اصحابك و اهلك و انت .. و ربنا

حاجات مبتبنش على وشك ولا في كلامك ..
حاجات مش في الصورة يا مواطن ..

Hassan el-Sheikh

اقرأ باقى الموضوع ...