الاحذية من بدايتها لنهايتها

الموضوع ده عن مراحل تطور الشبشب والجزمة عند معظم خلق الله بص يا ريس مراحل تطور الشبشب  بس مش أى شبشب ، لاأأأأأأأأأأأأأأأأأأأأأأأأأأأأأ ،الشبشب اللى عامل زى الاستيكة ده وتشده يتمط اللى ممكن تستخدمه لو متغاظ من حد وتحط ظلطة فى طرف وتتنيه فجأة تلاقى الظلطة نطت فى عين اللى قدامك

او ممكن شبشب الحمام الاخضر اللى فيه حتتين بلاستيك فى الوش ده اللى بنشوفه من أيام مينا موحد القطرين

تلاقى الواد من دول ماشى فى الشارع بالشبشب وكلها 25 يوم والشبشب بينتحر أصلا  فى الأول تلاقى الشبشب بيدخل فى مرحلة ما يسمى بالسفلتة يعنى بيتعمل زى الأسفلت يفضل يا عينى  يخس يخس يخس يخس وكل شوية يتبرى منه حتة لحد مايبقى سمك النعل 1 مللى وبعد ماكان الشبشب طبقات بقى طبقة واحدة يتيمة وفجأة كده وبقدرة قادر تلاقى وش الشبشب بقى فى قفاه ههههههههههههههههههههههههههه وفجأة كده وبقدرة قادر برضو يحدث اختفاء مفاجئ فى نعل الشبشب ويبقى المدعو شبشب مش باقى منه الا وش وبس اللى هما حتتين البلاستيك الخضر اياهم هههههههههههههههههههههههههههه وفى الأخر بيكون مصيره حاجة من اتنين مالهمش خامس يا اما السطوح بتاع الجيران يا اما فى الزبالة والزبال مبيرضاش يشيله أصلا.

 نيجى بقى لمراحل تطور الجزمة او المدعو ( كوتشى )

تلاقى الواد شارى كوتشى جديد وفرحان بيه وتلاقيه فى الأول عالى كده زى مايكون كوتشى جاى من عند المنجد ههههههههههههههههه 

وكل شوية يمسحه بالمنديل عشان ميعرقش ولو جات عليه ذرة تراب بيمسح بكرامتها الأرض ومعظم الوقت بيكون ضيق فى الأول يقوم الواد شايل النعل قال يعنى كده جاب الديب من ديله ووسعه وطبعا تحت النعل بيبقى فى زى مربعات كده وبعد أول أسبوع  تلاقيه برضو دخل فى مرحلة السفلتة بس مش زى الشبشب لاااااااااااااااااااااااا دى بقى سفلتة داخلية تلاقى المربعات اتهرت من جوا والواد رجليه بقت شبه عالم سمسم من المربعات اللى طبعت عليها وبعد تانى أسبوع يحدث ما لم يكن فى الحسبان  فجأة تلاقى جوانب الكوتشى جااااااااااااااااعت وفتحت بؤها ههههههههههههههههههههههه ومستعدة لالتهام كل ماهو غالى أو رخيص وتبتدى تتملى تراب والذى منه  وبعد تالت أسبوع تتوالى العواقب الوخيمة  وبوز الكوتشى يجوع هو كمان اشمعنا هو يعنى مالهوش نفس ولا ايييييييييه وتلاقيه فتح بؤه عالاااااااااااااااخر وبقى الكوتشى عبارة عن بؤ مفتوح من فوق ونعل نايم من تحت وخزنة فى النص وبؤين من الجناب هههههههههههههههههههههههه واهو الواد لو اتزنق فى حاجة كده ولا كده يشيلها فى الخزنة دى وربنا حليم وستار أخر أسبوع بقى يبقى خلاص الكوتشى بيطلع فى الروح تبصى كده تلاقيه خد رصاصة فى بؤه وبقى عنده خرم أااااااااااااااااااد كده قدام الصوباع الكبير واهو يهوى المكان عشان الكمكمة والريحة هههههههههههههههههههههه وطبعا المدعو ( الصوباع الكبير ) بيخرج من نفس الفتحة عشان يشم هوا ويستمتع بباقى الكوتشيهات المنتشرة حواليه

وبرضو بيبقى مصيره السطح اياه او الزبال اللى بيقرف يشيله أو صاحبه يدخل عليه الأوضة يلاقيه شانق نفسه بالرباط
 











Hassan el-Sheikh

اقرأ باقى الموضوع ...

تليفزيون صوت و صورة و ريحة

لأن الروائح لها أثر كبير فى الإحساس بالأشياء والتفاعل معها، قريباً قد يمكنك «شم البيتزا» أثناء طبخها أمامك على التليفزيون إذ يجرى الآن باحثون من جامعة «كاليفورنيا» بالتعاون مع معهد «سامسونج» المتطور للتكنولوجيا، أبحاثاً لتطوير جهاز مدمج يوزع رائحة أثناء مشاهدة التليفزيون.

 

وعن الجهاز قال الباحثون، إن برامج التليفزيون تم تصميمها لتحريك العواطف، والعقل، من خلال الصوت والبصر فأرادوا أن يضيفوا عليهما حاسة «الشم» أيضاً لزيادة التفاعل مع ما يشاهده المستخدم على التليفزيون.



وأضاف، «سانجهو جين»، أستاذ فى أقسام الهندسة الميكانيكية وهندسة الطيران والفضاء وتكنولوجيا النانو بجامعة كاليفورنيا، «إذا كنت تشاهد ناساً يأكلون بيتزا، يشم المشاهد رائحة بيتزا قادمة من التليفزيون أو الموبايل، وإذا رأى امرأة جميلة، فيشم رائحة عطر، وهذه فكرة الجهاز الجديد».

استخدم الباحثون نظام «إكس , واى ماتريكس» لتقليل كمية الدوائر المطلوبة لإنتاج جهاز صغير يمكنه إنتاج أى رائحة فى أى وقت، وتأتى الرائحة من محلول مائى مثل الأمونيا، الذى يشكل غازاً معطراً عند تسخينه عن طريق أسلاك معدنية رقيقة بواسطة تيار كهربائى.

ويشرح الباحثون الأمر بقولهم «سيتم الاحتفاظ بالمحلول فى جزء مستقل مصنوع من سليكون الاستومر غير سام وغير قابل للاشتعال، فعندما تبدأ الحرارة وضغط الرائحة فى الظهور، سيكون هناك ثقب صغير مضغوط فى الاستومر يطلق الرائحة».

Hassan el-Sheikh 

اقرأ باقى الموضوع ...