بص يا عم آدم
الدنيا صعـبة .. بس مش وحشـة ، او يعني مش وحشة اوي ..
صحيح الوجع فيها فريضـة ،
و احساس انك غـريب عن نفسك .. احيانا كتيـرة بيبقى واجب وطني
و الوحدة وجبة متكاملة ممنوع تخلى سفرتك منها .. لكن مش علطول كده خوفي الحقيقي عليك انك تصدق انها وحشة ..
فتفلت من تحت عنيك فرص كتيرة اوي للفرحة .. اسمح لنفسك تفرح .
بيقولوا الشيطان يكمن في التفاصيل ..
و الشيطان شاطر اوي كأنه حالف يبيتك كل يوم مهموم
مقدرش اقولك متركزش في تفاصيل اللي بيحصلك .. ركز و اتألم و اتعلم
لكن ارجوك الدنيا تفاصيلها كافية جدا ..
فـمتحطـلهاش بقى تفاصيل من مخيلتك و متقـدسش الوجع
الوجع لازم يفضل ضيف .. اوعى تخليه صاحب بيت
التفاصيل مُـرهقـة جدا ..
في الاول هـ تُعجب بنفسك انك قادر تقرا التفاصيل اللي غيرك مبيقـرهاش
قادر تغوص في تفاصيل التفاصيل من غير ما تتـوه
وقادر توصف و ترسم ملامح الروح ورا كل حاجة بتقابلك
حتى اللي حواليك هيصقفولك و انت هتتبسط
بس بعد كدا ..
مش هتحس بالتوهه و هي سحباك بعيد عن نفسك
هتفضل تسحبك للاعمق لحد ما تبقى معظم الحاجات اللي حواليك واللي كنت بتحبها زمان .. حاجات سطحية تافهه وتمنع على نفسك التمتع بيها
حتى الناس .. غصب عنك هتبدأ تحس انهم مكررين و ان كلامهم خاوي من المعنى و انك مش قادر تبلع هذا الحجم من سخافة البشر
هتفوق وانت بعدت عن الشاطىء مساافه .. رجوعها يبدولك عملية مستحيلة
الناس يا آدم ..
اوعى تفتكر انك فهمت الناس ..
والاهم من كدا اوعى تحس انك مضطر تفهمهم نفسك .. مش هيفهموا
متزعلش ..
عارف لو ربنا كرمك وقابلت صديق فاهمك و بيتفاعل معاك تفاعلات سلمية مبتزودش وجعك
امسك فيه بـايديك و اسنـانك .. غير كده خلي بيبانك دايما مواربة
متفرحش اوي بـاللي بيـزقوا الباب و يدخلوا قلبك و كأنه بيتهم و تحس ان بقالك عمر تعرفهم ..
غالبا دول مبيطولوش
و في نفس الوقت متقفلش الباب ورا حد ..
الزمن دوار و ممكن اوي يرجع بيك لنقطة التعامل معاه تاني
بلاش يبقى رصيدك عنده سلبي ولا رصيده عندك " كره "
كمان مقدرش اقولك متحبش اوي .. او متوصلش في حب الناس للآخر
انا عن نفسي مبعرفش .. ع الله انت تبقى اشطر
بس لو انت كمان طلعت خايب و معرفتش .. سامحني و متزعلش اوي
عند كل خيبة جديدة لما حد يخذلك .. فيه نقطة نور بتنورلك \ بتعلمك حاجة جديدة عن الناس
بتوريهوملك من زاوية جديدة مكنتش هتشوفها إلا وانت هناك .. في قاع العلاقة
بس الاهم انك متكرهـش ..
و الأسلم انك متتـعلقش بحد زيادة عن اللزوم
دايما احتفظ لنفسك بنصيبك منك .. متنساش
اللي نِسي تِعـب اوي .
بص يا آدم ..
انا عايز اكلمك عن الكتب ، عن الحياد الانساني ، عن ليه ربنا ، عن الميزان ، عن ليه لازم تبقى مختلف حتى لو وصل اختلافك لدرجة الغرابة مدام ميزانك متـعاير ..
عايز اكلمك عن حاجات كتير اوي بس انا لسه مش متيقن م اللي وصلته .. بالعكس كل ما بعرف اكتر \ تكتر الاسئلة اكتر.. عموما اسمع مني و جرب انت .. اثبت او انفي انت
الدنيا صعـبة .. بس مش وحشـة ، او يعني مش وحشة اوي ..
صحيح الوجع فيها فريضـة ،
و احساس انك غـريب عن نفسك .. احيانا كتيـرة بيبقى واجب وطني
و الوحدة وجبة متكاملة ممنوع تخلى سفرتك منها .. لكن مش علطول كده خوفي الحقيقي عليك انك تصدق انها وحشة ..
فتفلت من تحت عنيك فرص كتيرة اوي للفرحة .. اسمح لنفسك تفرح .
بيقولوا الشيطان يكمن في التفاصيل ..
و الشيطان شاطر اوي كأنه حالف يبيتك كل يوم مهموم
مقدرش اقولك متركزش في تفاصيل اللي بيحصلك .. ركز و اتألم و اتعلم
لكن ارجوك الدنيا تفاصيلها كافية جدا ..
فـمتحطـلهاش بقى تفاصيل من مخيلتك و متقـدسش الوجع
الوجع لازم يفضل ضيف .. اوعى تخليه صاحب بيت
التفاصيل مُـرهقـة جدا ..
في الاول هـ تُعجب بنفسك انك قادر تقرا التفاصيل اللي غيرك مبيقـرهاش
قادر تغوص في تفاصيل التفاصيل من غير ما تتـوه
وقادر توصف و ترسم ملامح الروح ورا كل حاجة بتقابلك
حتى اللي حواليك هيصقفولك و انت هتتبسط
بس بعد كدا ..
مش هتحس بالتوهه و هي سحباك بعيد عن نفسك
هتفضل تسحبك للاعمق لحد ما تبقى معظم الحاجات اللي حواليك واللي كنت بتحبها زمان .. حاجات سطحية تافهه وتمنع على نفسك التمتع بيها
حتى الناس .. غصب عنك هتبدأ تحس انهم مكررين و ان كلامهم خاوي من المعنى و انك مش قادر تبلع هذا الحجم من سخافة البشر
هتفوق وانت بعدت عن الشاطىء مساافه .. رجوعها يبدولك عملية مستحيلة
الناس يا آدم ..
اوعى تفتكر انك فهمت الناس ..
والاهم من كدا اوعى تحس انك مضطر تفهمهم نفسك .. مش هيفهموا
متزعلش ..
عارف لو ربنا كرمك وقابلت صديق فاهمك و بيتفاعل معاك تفاعلات سلمية مبتزودش وجعك
امسك فيه بـايديك و اسنـانك .. غير كده خلي بيبانك دايما مواربة
متفرحش اوي بـاللي بيـزقوا الباب و يدخلوا قلبك و كأنه بيتهم و تحس ان بقالك عمر تعرفهم ..
غالبا دول مبيطولوش
و في نفس الوقت متقفلش الباب ورا حد ..
الزمن دوار و ممكن اوي يرجع بيك لنقطة التعامل معاه تاني
بلاش يبقى رصيدك عنده سلبي ولا رصيده عندك " كره "
كمان مقدرش اقولك متحبش اوي .. او متوصلش في حب الناس للآخر
انا عن نفسي مبعرفش .. ع الله انت تبقى اشطر
بس لو انت كمان طلعت خايب و معرفتش .. سامحني و متزعلش اوي
عند كل خيبة جديدة لما حد يخذلك .. فيه نقطة نور بتنورلك \ بتعلمك حاجة جديدة عن الناس
بتوريهوملك من زاوية جديدة مكنتش هتشوفها إلا وانت هناك .. في قاع العلاقة
بس الاهم انك متكرهـش ..
و الأسلم انك متتـعلقش بحد زيادة عن اللزوم
دايما احتفظ لنفسك بنصيبك منك .. متنساش
اللي نِسي تِعـب اوي .
بص يا آدم ..
انا عايز اكلمك عن الكتب ، عن الحياد الانساني ، عن ليه ربنا ، عن الميزان ، عن ليه لازم تبقى مختلف حتى لو وصل اختلافك لدرجة الغرابة مدام ميزانك متـعاير ..
عايز اكلمك عن حاجات كتير اوي بس انا لسه مش متيقن م اللي وصلته .. بالعكس كل ما بعرف اكتر \ تكتر الاسئلة اكتر.. عموما اسمع مني و جرب انت .. اثبت او انفي انت
قلم / إسلام حجى
0 التعليقات:
إرسال تعليق